തോണി തുഴയല്‍ -കില്‍ത്താന്‍ ജേതാക്കള്‍

കവരത്തി(8.1.12)- കലാ അക്കാദമി സംഘടിപ്പിച്ച അഗത്തി-കവരത്തി തോണി തുഴയല്‍ മത്സരം വളരെ ആവേശ കരമായിരുന്നു. അഗത്തിയില്‍ നിന്ന് രാവിലെ 7.30 ന് വിദ്യാഭ്യാസ സെക്രട്ടറി ശ്രീ.വി.സി.പാണ്ഡെ യാണ് മത്സരപരിപാടി ഉത്ഘാടനെ ചെയ്തത്. മിനിക്കോയി, കല്‍പേനി, ആന്ത്രോത്ത്, ബിത്ര ദ്വീപുകളൊഴികെയുള്ളവര്‍ മത്സരത്തില്‍ പങ്കെടുത്തു. ഏഴു പേരാണ് ഒരു ടീമില്‍ നിന്നുണ്ടായിരുന്നത്. കില്‍ത്താന്‍ മത്സരാര്‍ത്ഥികള്‍ 8.40 മണിക്കൂറിനുള്ളില്‍ ഫിനിഷ് ചെയ്ത് ഒന്നാ സ്ഥാനം നേടി. മറ്റുള്ളവര്‍ ഇങ്ങനെ

2.കവരത്തി- 9.30

3.കടമത്ത്- 11.10

4.ചെത്ത്ലാത്ത്-11.45

5.അമിനി- 11.50 

അഗത്തിക്ക് പൂര്‍ത്തിയാക്കാനായില്ല. 

ഒന്നാം സ്ഥാനം നേടിയ ടീമിന് ഒരു ലക്ഷം രൂപയും തുഴല്‍ പൂര്‍ത്തിയാക്കിയ എല്ലാ ടീമിനും 40000 രൂപയും നല്‍കും. മത്സരാര്‍ത്ഥികളെ സ്വീകരിക്കാന്‍ ജെട്ടിയില്‍ വന്‍ ജനാവലിയായിരുന്നു.