കവരത്തി(20.6.11)- എസ്.ഡി.ഓ ശ്രീ.ടി.കാസ്മിയുടെ നേതൃത്വത്തില്‍ പഞ്ചായത്ത് ഓഫീസില്‍ വിളിച്ച് ചേര്‍ത്ത യോഗത്തില്‍ മദ്യവിരുദ്ധ സ്ക്വാഡിന് രൂപം നല്‍കി. യോഗത്തില്‍ 30 ഓളം പേര്‍ പങ്കെടുത്തു. ചെയര്‍പേഴ്സണ്‍ ശ്രീ.ആച്ചാട അഹ്മദ് ഹാജി അധ്യക്ഷത വഹിച്ചു. എസ്.എച്ച്.ഓ, പഞ്ചായത്ത്മെ൯പര്‍മാര്‍, പ്രമുഖ സാമൂഹിക പ്രവര്‍ത്തകര്‍ യോഗത്തില്‍ പങ്കെടുത്തു. ക്ഷണിച്ചെങ്കിലും മെഡിക്കല്‍ സൂപ്രണ്ട് യോഗത്തില്‍ പങ്കെടുത്തില്ല. വര്‍ധിച്ചുവരുന്ന മദ്യം, മയക്കുമരുന്ന് ഉപയോഗം തടയാന്‍ പല പദ്ധതികളും ഇതിനകം നടത്തിയെങ്കിലും പറയത്തക്ക ഫലപ്രാപ്തി ലഭിക്കാത്തതിനെ തുടര്‍ന്നാണ് ഇങ്ങനെയൊരു സ്ക്വാഡ് രൂപീകരിച്ചത്. എല്ലാ മാസവും ആദ്യ ഞായറാഴ്ച അവലോകനയോഗം വെക്കാനും എല്ലാ അംഗങ്ങള്‍ക്കും സര്‍ക്കാരിന്‍റെ എ.ഡി കാര്‍ഡ് നല്‍കാനും തീരുമാനിച്ചു.
എല്ലാദ്വീപുകളിലും ഇത്തരം സ്ക്വാഡുകള്‍ രൂപീകരിച്ചാല്‍ ഏറെ ഗുണം ചെയ്യുമെന്ന് തീര്‍ച്ചയാണ്.
No comments:
Post a Comment