മലപ്പുറം: സമസ്ത കേരള ജംഇയ്യത്തുല്‍ ഉലമ പ്രസിഡന്റും പ്രമുഖ പണ്ഡിതനുമായ ശൈഖുനാ കാളമ്പാടി മുഹമ്മദ് മുസ്ലിയാര്(78) അന്തരിച്ചു. ഹൃദായാഘാതത്തെ തുടര്‍ന്ന് തിങ്കളാഴ്ച പെരിന്തല്‍മണ്ണയിലെ സ്വകാര്യ
ആശുപത്രിയില്‍ പ്രവേശിപ്പിക്കപ്പെട്ട അദ്ദേഹം ചൊവ്വാഴ്ച ഉച്ചയ്ക്ക് ഒരു
മണിയോടെയാണ് അന്തരിച്ചത്. സുന്നീ ആദര്‍ശ പ്രസ്ഥാനരംഗത്ത് കഴിഞ്ഞ
അമ്പത് വര്‍ഷത്തിലേറെ സജീവ സാന്നിധ്യമായിരുന്നു.
1961 ല്‍ വെല്ലൂര്‍ബാഖിയാതില്‍നിന്ന് രണ്ടാം റാങ്കോടെ ബാഖവി ബിരുദം നേടിയ
കാളമ്പാടി പിന്നീട് അദ്ധ്യാപന ജീവിതത്തിലാണ് ശ്രദ്ധ
കേന്ദ്രീകരിച്ചത്. അരീക്കോട്, മൈത്ര, മുണ്ടക്കുളം, കാച്ചിനിക്കാട്,
മുണ്ടംപറമ്പ്, നെല്ലിക്കുത്ത്, പന്തല്ലൂര്‍ എന്നിവിടങ്ങളില്‍
അദ്ധ്യാപകനായിരുന്നു. 1961 മുതല്‍ ജാമിഅ നൂരിയ്യ
അറബിയ്യയില്‍ സേവനമനുഷ്ടിച്ചുവരികയായിരുന്നു.
അരീക്കോട്, നെല്ലിക്കുത്ത് തുടങ്ങി നിരവധി മഹല്ലുകളിലെ ഖാളീ കൂടിയാണ് കാളമ്പാടി ഉസ്താദ്.
മൃതദേഹം പട്ടിക്കാട് ജാമിഅ നൂരിയ്യ അറബിയ്യയില്‍ പൊതുദര്‍ശനത്തിന് വെക്കും. ഖബറടക്കം ബുധനാഴ്ച രാവിലെ കുന്നുമ്മല്‍ കാളമ്പാടി ജുമാമസ്ജിദ് അങ്കണത്തില്‍ നടക്കും.
കാളമ്പാടി മുഹമ്മദ് മുസ്ലിയാരുടെ നിര്യാണം മൂലം സമസ്തയുടെയും കീഴ്ഘടകങ്ങളുടെയും എല്ലാ പരിപാടികളും മാറ്റിവച്ചതായി ജനറല്‍ സെക്രട്ടറി ചെറുശ്ശേരി സൈനുദ്ദീന്‍ മുസ്ലിയാര് അറിയിച്ചു.
ബുധനാഴ്ച ചേളാരിയില്‍ നടത്താനിരുന്ന റൈഞ്ച് ലീഡേഴ്‌സ് മീറ്റ് മാറ്റിവെച്ചതായും സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ കീഴിലുള്ള എല്ലാ മദ്‌റസകള്‍ക്കും മറ്റുസ്ഥാപനങ്ങള്‍ക്കും ബുധനാഴ്ച അവധിയായിരിക്കുമെന്നും വിദ്യാഭ്യാസ ബോര്‍ഡ് ജനറല്‍ സെക്രട്ടറി പി.കെ.പി.അബ്ദുസ്സലാം മുസ്ലിയാര് അറിയിച്ചു.
മൃതദേഹം പട്ടിക്കാട് ജാമിഅ നൂരിയ്യ അറബിയ്യയില്‍ പൊതുദര്‍ശനത്തിന് വെക്കും. ഖബറടക്കം ബുധനാഴ്ച രാവിലെ കുന്നുമ്മല്‍ കാളമ്പാടി ജുമാമസ്ജിദ് അങ്കണത്തില്‍ നടക്കും.
കാളമ്പാടി മുഹമ്മദ് മുസ്ലിയാരുടെ നിര്യാണം മൂലം സമസ്തയുടെയും കീഴ്ഘടകങ്ങളുടെയും എല്ലാ പരിപാടികളും മാറ്റിവച്ചതായി ജനറല്‍ സെക്രട്ടറി ചെറുശ്ശേരി സൈനുദ്ദീന്‍ മുസ്ലിയാര് അറിയിച്ചു.
ബുധനാഴ്ച ചേളാരിയില്‍ നടത്താനിരുന്ന റൈഞ്ച് ലീഡേഴ്‌സ് മീറ്റ് മാറ്റിവെച്ചതായും സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ കീഴിലുള്ള എല്ലാ മദ്‌റസകള്‍ക്കും മറ്റുസ്ഥാപനങ്ങള്‍ക്കും ബുധനാഴ്ച അവധിയായിരിക്കുമെന്നും വിദ്യാഭ്യാസ ബോര്‍ഡ് ജനറല്‍ സെക്രട്ടറി പി.കെ.പി.അബ്ദുസ്സലാം മുസ്ലിയാര് അറിയിച്ചു.
No comments:
Post a Comment